Verkfærin í þessa "aðgerð" eru svosem ekki af flóknari endanum, þessi á
myndinni dugðu mér vel. :-)
Fyrst er gott að merkja á veggnum fyrir framan bílinn hvar ljósgeislinn
lendir, t.d. með blýanti eða límbandi. Þetta auðveldar stillingu á ljósinu
eftir ísetningu.
Áður en ljósið er tekið út þarf að taka stefnuljósið í burt. Vinstra megin
segir sagan að best sé að losa líka loftsíuboxið til að komast betur að.
Þar sem ég þurfti bara að losa hægra ljósið get ég ekki staðfest þetta.
Til að losa stefnuljósið þarf að ýta við smá flipa á ljósinu sjálfu sem
heldur því föstu. Þetta er best að gera með skrúfjárni sem er stungið
niður beint fyrir ofan ljósið og flipanum ýtt til hliðar á meðan ljósið er
dregið beint fram úr bílnum og tengingin losuð. Myndin hér fyrir neðan
sýnir flipann sem þarf að ýta til.
Næst er að losa hlífa yfir vatnskassanum. Til þess þarf að losa fjórar
skrúfur og mjaka hlífinni svo aðeins til hliðar. Í þessu tilfelli þurfti
ekki að taka hlífina alveg frá heldur dugði að hliðra henni aðeins. Á
fyrri myndinni sést hvar skrúfurnar eru staðsettar og á þeirri seinni er
búið að losa hlífina og færa til hliðar.
Nú þarf að losa skrúfurnar fyrir ofan ljósið, best er að halda við stilliróna
á bak við svo ljósið skekkist sem minnst þegar það fer aftur í.
Þá þarf að losa tvær skrúfur bakvið á hliðunum á ljósunum. Merkt á myndunum
hér fyrir neðan.
Nú er ljósið laust og hægt að losa tengingarnar og draga ljósið alla leið
út.
Þegar ljósið er komið í þarf að passa stillingarnar og bilið á milli neðri
hluta ljóssins og stuðarans. Bilið á að vera ca. 2.5mm, og best að miða við
svipað bil og á hinu ljósinu. Tvær stilliskrúfur eru líka aftan á ljósinu
sem er hægt að nota til að stilla ljósið aðeins til og miða þá við merkingarnar
á veggnum fyrir framan bílinn.